Siklipeski Komunaluni Direktoria putergya o vahti vash o registripe e siklovnengo ano 10.to klasa ano gimanzie thay profesionalune skole vash o akademikuno bersh 2025/2026.

Mashkaro konkursi ani Gimnazia “Gjon Buzuku” –  Naturake Skencie ani albanyuni qhib sit e kreiringyon 12 klase po 22 siklovne kote kerna 264 siklovne, ulavdi paralela ano Gjonaj 1 klasa 22 siklovnencar, ulavdi paralela ani Romaja 1 klasa 22 siklovnencar.

Gimnazia “Remzi Ademaj” – ani diz, krang sociologiake – qhibyake si te oven 10 klase 22 siklovnencar kola kerna 220 siklovne, thay o paralelya ano Zhuri, Zymi, Velezha po 1 klasa 22 siklovnencar jikay Gjonaj, Romaja 2 klase po 22 siklovne.

Ani Medicinaki Mashkaruni Skola “Luciano Motroni” ano Priren vash profesionaluno infermieria sit e oven 8 klase po 24 siklovne kola kerna 192 siklovne, teknikya vash farmacia, dentaria, saslarnengo laboranti si te oven po yekh klasa 24 siklovnencar.

Ani Ekonomiaki Skola “Ymer Prizreni” kontabiliteti thay tatime si 2 klase 18 siklovnencar, finance thay siguripya, financionaluno asistenti, marketing thay biknipe, shpedicia thay logistika, haricuno thay buderuno biknipe, hortikultura, hoteleria, kuzhineri, agrobiznesi, teknologia e habaski, sivipe; po yekh klase 18 siklovnencar, jikay administrata e ofiseske servisyengi 2 klase po 18 siklovne.

Ani paralela Gjonaj thay Romaja si te ovel kontabiliteti thay tatimya po yekh klasa 18 siklovnencar.

Jikay ani Muzikaki Skola “Lorenc Antoni” ano Priren, e krang Sahastarno muzikaluno khetanobutikerunto si te ovelola 2 klase po 15 siklovne, instrumental/balet 1 klasa 15 siklovnencar.

O mangle dokumentya: yekh lil kova denatumen ani skola kote mangena te registringyoven, originaluni deftesa vash agoripe e funduna skolako (6-9) thay biyandipaski certifikacia.

O registripe si te ovel pe 8,9 thay 10 yuli 2025 shrdipa e oratar 8:00 ji pe 16:00. Jikay o rezultatya ka iklon pe 11 yuli 2025.