Ministria vash o Edukipe,Shkence thay Teknologia, thay inovacia ini akava bersh ka phiravel o subvenciye e shkolipaske tekstyengo vash e Kosovake siklovne.Informipe dengya e ministra Arberie Nagavci ani yekh konferenca vash o medie.
Oy kergya janglaripe kay ini akave bersh pustika si te ofringyon kotar e dadalryengo subvencia.
“Furnizipe e pustikyengo ka oven kotar e nakle bersheshki praktika ano naklo bersh kotar e dadareyengi subvencia, kote ka ovelolen shaipe te aplikinen kotar taysa. O dadalarya si te subvencioningyon kotar o procesi kote sitov transparentno, kote na si te ovel day qhelale vastipe , sar ulo naklo bersh” potencingya Nagavci.
Nagavci phengya kay vash o klase 1-5 o subvenciye si te oven ji 80 euro, o klase 6-9 110 euro, phando e ministraka infomacia phengya kay akava bersh si 217 mile thay 696 siklovne ani klasa 1-5.
“Aplikipe vash o subvenciye ka oven kotar E-KOSOVA, vash sa o dadalarya, ano avutne dive ka posingyol ini yekh video vash sar te aplikinen phengya Nagavci”.
