Izraeleski armata avdive qhigya pi aykh nesave ratorigune thana e dizake Rafah thay arteleriuni bombencar thay yagale bandukyencar kotar o helikotperya fulingya ko vrtlorigune mahale ano odoya diz, ini soske siyem ano yekh marevasko aqhavipe.
Akaya informacia, lelola kotar e Anadolueske korespodenti, kova mothavela kay o atakya ovena ko nashle manusha ano Bureij, ani centraluni Gaza, ano teharineske orya. Pandar na raportisalo vash viktime yase lindime.
Jikay e izraeleski artmata erati informingya kay duy palestinezya tasavdile ano Rafah.
Pe 10 oktombari 2025 lelilo decizia mashkaro Izrael thay Hamas te aqhavgyol o Mareva, numay odole vahtestar e izraeleski armata tassavgya 400 palestinezen, ushkavipa o lekanipya, e OKB-eske Siguraciake Koncileski rezoluta koya aprivsali ano novembri 2025.
Izraeleski armata tasavgya 71 mile palestinezen, buderi olendar juvla thay qhavore thay lindingya 171 mile manushen yekha brutaluna ofanziva koya lelili ano 2023.to bershesko oktombari.
