Izraeli lela yekh seria e havayake atakyengo kordinime pederal o Iraneske strategikune obyektive, ano rami e operacionesko “Aslano kova Ushtla”. Atomska bombenge thana, armatake baze thay obyektya kola siton phande e Revulucionaruna Gara adakisale, kote kerdilo baro ziyani thay o viktime si o armatake thay skenciaki sherune iranianya.

Mashkaro tasavde si o komandanti e Revuluciaruna Gardako Hossein Salami, vi ayekha duy penjarde skenciake manusha vash o atomske bombe, Fereydoun Abbasi-Davani thay Mohammad Mehdi Tehranchi. Vi ayekha tasavdile: Gholam Ali Rashi – aver uqho komandanti, numay pandar nane konfirmacia, Mohammad Bagheri – Armatime Forcengo Shefi e Sahastarne Shtabesko thay cililya.

O atakya qalavde o zone Natanz, Teheran thay Isfahan, jikay o iranyune autoritetya informinde vash avrirenduni situacia thay phande sah o aeroportya.

Irani angloinformingya yekh baro hako leipe kotar o Izraeli, jikay o mashkarselikane reakcia siton but himime.

Amerika konfirmingya kay nasineton kotorleutne ani operacia, jikay o naftako kosto ano lumiake tregya bayrilo buderi vash o sepebi e darako kotar o rayonaluno destabilizipe.

Jikay o Natanyahu phenla: “Akava nane yekh atako, sitov korkorogaravipe. Irani bershencar kreiringya ano garavipe yekh atomski aparati kova nashti mekhlola bizo respondipe. Adive lelem yekh bajako kova manglape sine te ovel”.