Adive ano Restaurant “Marashi” adikergyola o kedibe organizimo kotar o Ofisi vash o Komunitetya thay Iranipe kote lena kotor sah o Prizrenoska komunake komunitetya sar: Turkya, Boshnakya thay Roma.
600 famile e Prizrenoska Komunake komunitetyenge si te vijainen Habaske sheya thay Kashtengo ashutipe, kote lendar 300 famile roma, ashkalie thay egipqayna si te vijainen kotar akava subvencionipe, kote si te lelol 300 famile po 3 metra kashta thay yekh habasko paketi e kostoa 100 euro harxhi.
Ano kava kedibe phiravgyola kotar e sheruni e Ofiseski vash o Komunitetya thay Iranipe, rny. Derya Kazaz, romengo ofiseri r.Islam Elshani thay talosheruno e Kupatnako, r.Levent Bus.
Ani yaver rig sar kotorleutne ano kedibe si o reprezentya kotar sah e komunitetyenge biraipkane organizacie vi ayekha o taloministri vash i Kultura r. Sylejman Elshani.
Divuno rendo akale kedibasko si: Mahatne informacie vash habasko thay kashtengo ashutipe vash familie e phare jivdipaske kondicienca kova kergyola kotar e Prizrenoska Komunako Ofisi vash o Komunitetya thay Iranipe, Populaciako registripasko mahatnipe thay yaver viranya. Desar akalestar ano kedibe si translacia vi pe romani qhib.
Vash po buderi informaiciye site informinel napal Ofisi vash Komunitetya thay iranipe ani web qham e Prizenoska Komunaki.
