KFOR-esko Komandanti, generalmayori Enrico Barduani, arakhlape e Presidenta Osmani ani Prishtina, thay ulagya kay ajukerela o sigyuno de-blokiripe e politikune grcesko ano than, vash te keren shayutno o mamuyipe e urgentyune sfidencar kola qalavna o rayoni.

Generali Barduani potenciringya o khetanebutikeripasko mahatnipe thay koordinipasko e Kosovake Stabiliteteske Institucioynencar, vash te sigurinen yekh stabiluno ambienti vash sah o komunitetya, ani akordangya e mandatea baziripa ani Rezulucia e Siguripaske Koncilea OKB.

Osmani potencingya vi o aktualune siguriake sfide e Kosovake, respektivitetea ani samatreda thay valanipe vash angloaqhavipe e sakole destabilipaske mangipastar kotar e Serbia.

Presidenta thay KFOR-esko komandanti, riafirminde o khetano fokusiripe vash te na qhinen o angashipe vash shandipe thay stabiliteti.