Grci ano Kosovako Kupatno konstituipe vazdingya depatya pederal interpretipe e Kontituciako thay e politikune partienga rolako. Inisoske o duy aktkrisipya e Konstituciaka Krisalinake kote ajukergyola vi o trinto, lengoro implementipe aqhilo biqalarno, anipa institucionalune biklarifikipaske situacie.
Ekspertya thay politikune analistya na dikhena kay manglape yaveripe e Konstituciako, potenciripa kay o problemya avena kotar o nanipe e mangipasko kotar o politikune strukture. On phenena kay e Konstituciake kriterya si striktyune thay interpretipasko shayipe, thay o yaveripya butiver shay kreirienena bisiguripe thay ka telaren laki rola.
O deputetya silen ver-verune godinipya vash e Konstituciako yaveripesko valanipe, kote nesave rodena reforme ano presidentesko alosaripe, jikay nesave diklarena o nanipe e politikune khetanebutikeripasko. Aktualno, o opinioni sitov ano ajukeripe e Konstituciaka Krisalinako vash e rodlarin koya thovdili kotar e Srbyuni Lista vash e votuipaske procedure.
