Scholz ajukerdilo rashtryune solemniteteya thay palo maladipe silent e adikeren yekh konferancia vash o medie.

“Avdive thay taysa sit e ovav ani Kosova, Serbia, ratoriguni Makedonia, Grekia thay Bugaria. Mangava te promovinav o procesi e integripasko ano Evropaki Unia ano lokaluno nivel thay te phikoinav o rayonaluno ledeipe, ano kuadri e Berlineske Procesesko. Yekhe dromeya, ka da amaro respondipe mamuy e agresioneske thay e Rusiake marevasko e Ukraina, hraminla o kancelari Scholz ano twiter.

Jikay ani aver rig vash oleski vizita hraminla vi Germaniako Ambasadori, Jorn Rohde. “Shukar aveya kancelar”.

O sherunoministri, Kurti mashkari akaya vizita ajukerla yekh nevi shrdipe thay energikuno vash e Berlinesko Procesi.

“Nevo shrdipe thay energikuno e Berlineske Procesesko, kote saren siyem yekh thay kote sigyargyola o kotorleipe e savore thanengo, baziripaya e krisesko respektipe, demokratizipesko, mareva mamuy e korrupsia thay mamuyipe e nakhlipeya, janipeya kay simen yekh Serbia koya na askeptinela e Recakoski masakra thay na kergya niso ano raporti e marevake krimyencar, kola ekya lugyarena te oven meste thay bigandime, saday bibrandime”, phenla o Kurti.

E Kosova si o yekhto destinacia e vizitaki kotar o Kancelari Scholz ano rayoni