Kosovako Parlamenti 90 votencar miratinla yekh rezoluta mashkar kolate manglola kay e Kosovake Specializime Livna thay e Hagako Specializmo Prokurori, te adikerel sasto krisipasko procesi mamuy o akuzirime ani akaya krisalin.
Ano akava votuipe na lele kotor e LDK-eske deputetya, feriso lengo mangipe vash te qhiven yekh viran ani akaya rezoluta na akseptisalo. O viran kola mangle on te qhivgyol si parnipe yase klarifikipe e tasavipaske suryengo anglo thay palo mareva.
PDK-esko deputeti, Perparim Gruda, phengya kay ji po propozipe e akala rezolutako avilo kotar o bishandipya thay ushkavipe e hakayengo e akuzirime manushengo ani Haga.
