Erati ani Haga startingya e agoruni faza e krisipaski e eks-sherunen e UCK-eske kola akuzingyona vash marevaske thay manushikane krimya ano mareva ani Kosova.

E Prokurora e Specialune Prokuroriake Ofiseski – ZPS, Kimberly West mashkaro thovipe e agorune deklaraciengo, kergya klaro kay e ZPS-eski rodlarin vash phandipe si fokusirimo ko konkretyune persoyna, e na ko shtabi, mangipa 45 bersha phandipe vash shtar akuzirime.

Prokuroria potenciringya kay pederal 100 manusha tasavdile thay shelencar yaver abuzisale ano may buderi se 50 aqhavipaske kampya e UCK-eske, inkludipa e persoynen kola sine phande e LDK-eya, romano komuniteti thay serbyuno.

O ispatya thay o prove mothavena kay akala krimya realizisale thay o akuzirime persoyna adikerna godornipe vash akava phengya e prokurora Kimberly West.