Payneski Rayonaluni Kompania “Hidroregjioni Jugor”, informingya kay o ekipe lugyarena o ispektipe e ilegalune vezengo ani payneski rafin. Ano inofrmipe e  kompaniako, ano qhon septembro identifikisale 125 ilegalune konekcie payneske  ano nesave lokacie.

“Amare ekipyenge akcie vash inspektipe ka lugyargyon e bare intensitetea vi ano oktombresko qhon”, phengyola ano informipe.

KRU “Hidroregjioni Jugor” shrdipa e yanuaresta angloinformingya kay ano sah o bersh ka lenpe vash te  telaren o paynesko nashalipe, baziripa ani nevi regulative e Payneske Serviseske Regulatoreska Autoritetesko.

Odola kola astargyona ano paynesko qoripe sar biautorizime vastutne e payneske servisesko, lenge si te lelon decizie sar: iranipe e konstatime nashalipyengo mashkaro regulative, krisyune mase thay administrativune vash te iranen o nashalipe/qoripe, inicipe e penalune proceduryengo mamuy o ushkavipya thay qhinipe e paynesko.