Konstituciake Hakayengo Profesori, Kadri Kryeziu, rodela intervenipe e presidentako Vjosa Osmani vash te iklolpe kotar e institucionalini kriza palo 11.to tentative thay séance o na resipe e dakordancako vash te konstituingyol e Kupatni.

Ov phenela kay e presidenta manglape te kharel sah e partien vash harmonizipe e pratsavyengo thay neve instituciengo formiripe.

Desar akalesta, Kryeziu potenciringya o valanipe vash Konstituciako yaveripe, feriso o nanipe e krisyune vahtyengo/rokyengo vash alosaripe e akala situaciako kreiringya yekh biajukerdo gerci, thay e akala naturake politikune problemya, kola nasi krisyune.

Mashkaro profesoresko gandipe, e qhand e sheruneparlamentareske votuipaski manglape te lugyargyol te aqhol puterdi, jikay o partie dakordingyona mashkarpeste.

Ani aver rig, e presidenta sila hako te direktingyol ki Konstituciaki Kriselin vash klarifikipe, keripa yekh angloinformipe kay e aktualuni kriza anla institucionaluno quqipe thay bari publikuni holi, jikay ajukerela yekh maksimaluno angashipe kotar e rashtrako shero vassh te garavel o uniteti thay e thanesko konstitucionaluno funskionaliteti