Sakova ovipe sile pere incitaroya thay akaya ver sine o r.Fatmir Meneske may tele thay te arakhen e r.Menskesko lafipe:

“8-to Aprili – Romane Barikanipesko Thaj Identitesko Dive

Ano suro e 8 Aprilesko – Mashkarselikano Dive e Romengo, sar direktori e DA-esko thaj promotori e romane kulturako ano Prizren, ulavava mere bahtalipya andral mo ilo vash sa o romane dizune ani Kosova thaj ani lumia.

Akava dive nani saday yekh festa, numay vi memorizipe e amare historikune dromipesko, sfidengyo thaj moldipe kontributesko e romengo ano amalipe, kultura thaj kustikipe.

Ano akava konteksti, moro personaluno thaj profesionaluno angazhipe sito fokusirimo ano garavipe thaj promovipe e qhibyako, tradiciajo thaj romana kulturako – sar temeli e amare identitetesko thaj kotor e barvale kulturune Prizrenoska Dizake Mozaikosko.

Mashkaro amare ververune aktivitetya, organizine kotar BRO DA thaj partnerya organizacie sar NVK, Romani Baht, Romtegra thaj aver… mashkaro programya edukipaske, kulturake, artistikune ovipya thaj inciative vash zoralipe – kergyem buti vash te garava amari romani qhib, vash te vazda amaro kulturuno barikanipe thaj te kreirina purtya vash o mashkarsektorialuno khetanobutikeripe.

Tradicionalune idya, muzika, khelipa, artizanati thaj populaciake purane mothavipya sito sumnakaya, kay siyem ande ki publikaki godi sar kotor e khetanyenu kulturune kustikipesko.

Romani kultura nane saday historia – sitoy jivdipe, kreativiteti thaj spiritualuno zoralipe. Oy merituinka te garavgyol, te phikoingyol thaj te lelol angali sakastar.

Ano akava mahatno dive, kharava e sah dizunen, institucie thaj organizacie te oven kotor e angadhipyengo vash yekh may laqho thaj beraberuno amalipe – saastardo thaj may shunivalo vash o kukturuno diversiteti.

Bahtalo 8-to Aprili – Mashkarselikano Dive e Romengo!”