Aktualune Nevipya
Manifestisalo Piresko Dive
- 30/06/2025
- By Romano Avazo
Share
Piresko Dive - zanatliengo dive, may angle e kovaqyengo dive. Akava dive adikergyola pe 28.to Yuni kote kedingyona sa o kovaqaha, e Terzimahalake thay e Bashdaranake. May angleder akava dive manifestingyolay bare Mevludyencar thay habencar piyibencar ani Terzimahala thay o aver mahale, numay agorune 20 bersha but hari kedenape thay saday pere kherende manifestinena akava dive.
Numay akava bersh ulo sogod nevo, kote e Bayraktaryengi Familia, kote silen vi e Kovaqlukosko Bayrako, akava bersh organizime Meclisi e Mevluteske thane thay akharde sah e kovaqen kolendar but hari ale. Numay sasavipea akava si yekh shrd kay ano aver bersha thay te organizilepe may shukar.
Bayraktaryengi Familia, Mullamisini, adive ano rami e Piresko Dive - Hartyasyenge Divesko, Hz. Dauteske biyandideveske, akhargya sah e hartyasyen thay e aver misafiren vash Gilaipe e Kuraneske, Mothavipe o Mahatnipe akale Diveske vash o Roma thay o hartyasya.
Ano akava meclisi akhardile o Hafiz Dauti ef. Lezi thay hoxha e Terzimahalako Tahir Thaqi.
Ani Mulamisiyengo daveti lele kotor vi o deputeti Albert Kinoli, talosheruno Muhamedali Merxholla, Sejnur Veshall thay aver misafirya kotar e Jakova.
Organizipe kerde o phrala Duran, Elan, Elshan thay Envedar Mulamisini thay vi o aver phrale thay pheyna, e mona Shirinake thay e Bayraktar Xhemileske qhavore.
