Ani rat e shoyune diveski, ani emisia “Opinion” ani TV Klan diskutisalo vash o krisipe mamuy o eks-sherune e UCK-eske ani Haga, yekh tema koya ningagrya ano fizikuno maripe duy misafirenyen, Albatros Rexhaj thay Berat Buzhala.

Ano yekh momenti e debatesko ano studio o Rexhaj phenla kay o debate nane e Buzhalasko thay phan to muy. Buzhala reaguingya phenipa “kaske pheneya phan to muy tu?” thay ushtingya te kerel atako ko Rexhaj.

Yekhatar interveningya o moderator Blendi Fevziu thay o aver akhardo Ermal Hasimja, vash te ulaven e duyen.

Yekhatar palo debate o Berat Buzhala akseptingya poro bangipe thay mangla  yeftisaripe vash lesko atako kompletno bango. Jikay o Albatros Rexhaj phenla kay na si qaqipe kay o Berati khuvdohole thay na sine nisavo fizikuno kontakti thay vash oleske akaya situacia giriqingya.