Teatraluni Drama “Agorutni” tali rejia e Selena Ristic thay e kampanya mamuy e violenca pederal o juvla ano neasave thana e Ratorigune Balkaneske potencirinena o mahatnipe e krisyenge aprovipasko vash o femicide ano rayoni.
Akaya drama si te khelgyol ano nesave qhibya: kotar o aktorya e minoritarune teatrenge, sar: Melisa Menekshe, Sara Stojcic, Aida Vehabovic, Raisa Nurkovic, Anica Radosavljevic, Fatima Karajcic.
Jikay ani Federacia e Bosna Hercegovinaki aprovisalo yekh kris kova penjarla o femicide sar specialuno penaluno akti, ani Republika Srpska akava krisi cidisalo kotar e procedura, sogod so kergya e aktivistyen te konsiderinen akava sar yekh baro problemi.
Organizacie kotar e Serbia, Bosna thay Hercegovina thay Kosova kerna khetanobutikeripe vash te rekreirinen yekh drama baziripa ano qhaqhune historie e femicideske, resea vash te bayaren o godornipe thay te zorakeren o rayonalune khetanobutikeripe ano Mareva mamuy e violence pederal o juvla.
Premiera e dramaki sit e ovel pe 22.to augusti 2025 ani Gracanica – Kulturako kher, shrdipa e oratar 12:00, e napal e aver khelipyencar ano Prizren, Tuzla thay Beogradi ano septembari.
Femicidi, yase e juvlengo tasavipe kotar e bi-kamipe thay mangipe vash dominacia, aqhola yekh seriozuno problemi ko amare thana, kote saday e bershestar 2010 ji akana amende ani Kosova tasavdile may buderi se 55 juvla, jikay ani Bosna thay Hercegovina saday ano bersh 2024 tasavdile 12 juvla.
O Aktivistya kerena kharipe kay akava problem ma te izolingyol sar politkuno ovipe, numay te tretiringyol sar manushipesko dinyitetesko thay jivdipasko puqipe, potenciripa o valanipe vash efektivuno implementipe e krisesko thay sistematikuno garavipe e juvlengo.
Realizipe e akala dramako ovela kotar o partneriteti o KUD “Sarski Behar”, DECIJI CENTAR ZAJECAR, Udruzenje SARA Srebrenica thay Ekonomska Incijativa Zena.
