Aratike, pe data 20.to yuni 2022, ano 89.to kedibe e Raipasko, e Kosovaka Republikako Raipe miratingya e Strategia vash o romane thay ashkalyune komunitetyenge hakayengo avansipe ani Kosovaki Republika vash o bersha 2022-2026 thay lakoro butikeripasko plani vash o bersha 2022-2024.

Akala strategiako res si te avansinel o hakaya e upre leparde komunitetyenge ano umala sar: skoluipe, sastipe, akomodipe/jivdipe, butikeripe thay ekonomikuno zoralipe, na-diskriminipe thay aver.

Kaya strategia si yekhuni e Europaka Uniaka korniza vash o nacionalune strategia vash e romengo integripe ji pe 2030.to bersh.

Gatisaripe akala strategiako sine sahastarutno e sah centralune thay lokalune instituciengo, buhli konsiltacia e publika thay civilune amalipa, biumlavde ekpertyengo e akala umalako thay mashkathemutne organizacie.

Ani akaya strategia dende kontributi vi o BRO, aktivistya thay reprezentya kotar o politukune subyektya kola lenape e romenge puqipyencar sar: Osman Osmani – NVK, Fatmir Menekshe – DA, Avni Mustafa – RVK, Isak Skenderi – VoRAE, Sakibe Jashari – Romacted, Bashkim Ibishi – AT, Mimoza Gavrani – BE, Shpresa Agushi, Daut Qulangji, reprezentya kotar o komuniteti rom: Gazmen Salijevic – RI, Nurije Shala – LPRK, Sejnur Veshall.