Neve kotorleutne e Alosaripyenge Centraluna Komisiake, kola propozisale kotar o politikune partie reprezentime ani Kosovaki Kupanti, erati dende lafideipe angli Kosovaki Republikai Presidenta, Vjosa Osmani.

Pe lungipe e ceremoniako, o neve kotorleutne dende lafi kay ka agorinen pere obligacie pakivalipa, profesionalizmoa thay bare godornipa.

Mashkaro neve kotorleutne si vi o Alfred Kinolli, kova propozisalo kotar e partia PREBK.

Alfred Kinolli si e Alber Kinollesko phral, numay avazdeutne kotar e Kosovaki Romane Yekhipaski Partia, mothavde kay mashkaro unanimune votencar kotar e Partiaki Kupatni, alosardilo o Alfred Kinolli te ovel ano KQZ, fersio ov sine vi may angleder thay sile profesionalizmo thay eksperiencar te lugyarel poro butikeripe palem ani akaya pozicia.