Siyem ano dive kote ovena bare marevaske akcia mashkaro Irani thay Izraeli kote sah e lumia ushtingya ko pre.
Ji akana si deklaracie kotar e Amerikako Presidenti, Donald Trump, Macron kotar e Franca thay but aver lumiake liderya.
E Iraneske rashtrake televezie informinena yekh vala e atakyengi raketyencar thay dronyencar mamuy o Izraeli jikay may hari 14 skencistya mule kotar e Izraleske atakya ano Iran, a ani aver rig buderi e manushendar ano Izraeli si garavde ano tunelya.
Mashkaro Izraeleske atakya tasavfyola vi o shefi e Inteligenciako e Revoluciaruna Gardako, Mohamed Kazemi thay leskoro taloshefi Hassan Mohaqiq.
Iranesko Supremyuno Sheruno, Khamenei thay leskiri familia garavdepe ano Teheraneske bunkerya, ano Lavizan.
Ji akana o Irani frdingya 370 balistikune rakete thay shelencar dronya mamuy o Izraeli ano shtar dive e konflikteske โ phengya e Izraeleski Sheruneministresko Ofisi.
Ji erati 24 personya sine mule ani Izraeli jikay 592 si lindime, 10 olendar ani phari situacia.
Ano Irani may hari se 224 jene mule shrdipa e paraskini divestar thay Pazartesi e sastipeski ministra, akava deklaringya vash o iraneske rashtrake medie.
Ani aver rig phengyola kay o Pakistani ka khuvel e Izraele atomska bomba te sine kay o Izraeli vastinla mamuy o Teherani, pretendipe kotar yekh Iraneske rejimesko ofiseri, Mohsen Rezaee generali thay uqho ofiseri e Islamikyune Revoluciaruna Gardako thay Iranesko Nacionaluna Siguriake Koncilesko kotorleutno. Jikay o Pakistanesko Garavipasko Ministri ikalgyaole ano mamuy deklaripe.
Irani gatiserlape te cidilpe kotar o atomske bombengo traktati mashkaro e avazdeutneske deklaracie, Esmail Bagei, kova phenla kay e Iranesko Parlamenti ka ikalel yekh kris vash o Traktakti vash na Buhlaripe e Atomske Bombengo.
Izraeli atakinla e armataki baza ano Teheran thay bayrona o tenzie, akava mothavla e agencia e informaciengi ano Farsi e Iranesko thay akala atakya aktivizinde e havayako garavipesko sistemi.
Desar akalestar, o Izraeli kerla deklaracia kay o dizutne ne mekhen o Teherani vash evakuipe fersio ano 3.to Distrikti e Teheranesko e Izraeleski armata ka lel konkretune akcie vash te atakinen e armataki insfrastruka e iraneske rejimeski.
Natanyahu phenla kay siton ano vijaipasko drom thay kontrolinena sah e havaya pederal o Teherani.
Irani mangela kay o Trumpi te kerel presia vash te keren yekh aqhavipe yase ashlipe mashkaro Izraeli. Teherani mangla kotar o Katari, Arabia Saudite thay Oman te keren presie pederal e Amerikako Presidenti Donald Trump vassh te aqhavel e Izraelye kotar o atakya kola mashkaro raportipya vi kerde akava.
Izraeli atakinla e Iraneski televizia Iraneska Islamikuna Republikaki Informipaski Rafin mashkaro live trasmetipe jikay e spikera mekhla o studio. Palo akava o Irani mekhla popay rakete mamuy o Izraeli thay palem aktivizingyona o alarmya.
Palo sah akala o Trump phenla kay o Irani nashti te vijainel o Mareva mamuy o Izraeli odoleske manglape te keren lekanipe yekhatar.
Izraeli atakinla e raketengi infrastrukta ani Iraneski ratorig thay e Iraneske Lidere kerla tareti vash te tasavgyol thay te anel agor e marevaske.
Palem, ano dola momentya o Irani shrdla yekh kombinimo atako e dronyencar thay raketencar ko Izrael e motoa โNasheni te sine kay mangena te aqhoven sasteโ thay phenla kay ka keren atakya so rati baro.
