Nasi manglo gendo e butikerutnengo kotar o komunitetya Roma, Ashkalie thay Egiptasya, kana si vash ofisaluno butikerutno, kola na si inkuadrime thay te sine kay va, on siton numay ani teknikuno kotor ini kay odote si numay yek harno gendo. May mahatno si kay ne pherdili e kuota 10% koya si vash o komunitetya. Ani Prizrenoski Komuna si yek baro gendo e romane komunitetesko kola agorinde pere studipya, thay na si kotor e bukyako ini kay simen mangipe kotar e Komuna e Prizreno vash o database e statistikenge e butikerutnenge kotar o komuntietya Roma, Ashkali thay Egiptasya thay o than e bukyako kote on si kotor, ni yek ver na siyem lele respondipe.

Amen siyemen klardo kay odola sifre dikhona klaro vash o manipulipya kola oven kotar buderyuno komuntieti ano haryuno. Butikeripe si universaluno hako e sah manushyengo, bizo yaveripya e religia, etnia, poli thay bersha. Ano suro e narespektipask, odoyaver na ka ovelamen yekhunobutikeripe mashkar peste, kote biyangyola thay o bizobutikeripe specifikipeya ko komunitetya Roma, Ashkalie thay Egiptasya. Butikeripe e ternengo kotar o Komunitetya Roma, Ashkaie thay Egiptasya ani Prizrneoski Komuna, na si but qalarno, vash o sebebi kay on sakodive diklona thay aqhona mamuy e diskrinimipesko, specifikiepya e socialunoe thay ekonomukino.

36 Leyipa pi ayk kay o Prizreno si yeke may bare dizencar ani Kosova, kana la diskutipe e publukun administratak, na si yek marog endo e butikeripasko kotar o komunitetya Roma, Ashkalie thay Egiptasya, e kay lenge kuote si rezervime. Yekhune moldipe si o privatyuno sektori, buderi lenda si kotor ani teknikuni rig sar butikerutne, numay ano leyipedecisiyengo yase aver kotor e butikeripeski, si butukerutnengo si kotor kotar buderyuno komuniteti.