Ano kuadro e aktivitetyengo promovipe e romana kulturako upral o teatraluno khelipe,o Romano teatro kotar o Prizren e drama “ Vijaipe mamuy o Stereotiya” kotar o autori Nexhip Meneskhe , avutne divende ka kerel prezentipe e dramako perfomansako, ani Gracanicaki komuna thay ani diz Veles, e Makedoniaka Repubilikaka.

E Dramaki perfomansa o artistya e Romane teatrsko kotar o Prizren si te sikaven pe data 23.11.2018 (Paraskini dive) pe ora 16:00 ano Graqanicako Kulturako kher.

O Organizipe thay realizipe e Teatralune khelipesko si phikodendo kotar e NRO-ya "VoRAE" .

Pe data 25.11.2018 (Kurko diveste) kotar e ora 19:00 e drama si te khelgyol ano Velesesko foro e Makediniaka Republikaka.

O aktivitete si realizimo kotar e asociacia”Romano Ilo” kotar o Uskupi, ano kuadro e 15-to Romane Teatralune festivaesko “Garavde Muya”.

Pe tradicialuno yubularuno festivali e naveya “Garavde Muya” ka len kotor o romane amateryune teatralune asamblea kotar o sah Balkani, mashkar kolende si ini o romano teatro kova ka reprezentinel o arti ano teatrosko phala o Prizreno thay e Kosovaki Republika.

O fesitvalesko ovipe kova ka adikergyol e datatar 25 ji 30 novembro 2018, ano dizya Shtipi, Velesi thay Uskupi.

Sah o jene kova kamena o arti siyen kharde thay shukar ale ano Kulturako kher e Gracanikacako pe data 23.11.2018 (Paraskini dive) pe ora 16:00, thay ano kulturako kher e dizako Veles, (ani Makedonia) pe data data 25.11.2018 (Kurko diveste) kotar e ora 19:00.

Stafi e Romane Teatrosko kotar o Prizren