Kosovako Publikuna Radioteleviziako direktori ano obligipe, Hysen Hundozi, adikergya yekh kedipe e EU-aka Ofiseska Shefa ano obligipe ani Kosova, Eva Palatova, kote vakerde vash e RTK-esko dromiripe, resipya thay sfide kay o publikuno transmetuesi sinole andar o bersha.

On diskutitde konkretno vash e bujeteski kriza vash o sebepi kay pandar na Konstituingyola e Kosovaki Kupatni thay o intensivune butikeripya vash te arakhlol iklipe mashkaro yekh krisyune financialuni forma, koya ka kerel shayutno e RTK-eske funskionipe biaqhipa.

Pe lungipe e kedipasko vazdisale vi o planya vash avansipe, reformme thay RTK-esko modernizipe, sar yekh shayipe e yekhe phikodeipaske proyektesko vash o avutnipe.

“RTK-eski rola si barit hay esencialuni ano pasharipe e informaciengo, klarifikime thay bizorig vash sah o Komunitetya ani Kosova.” Phenla e Eva Patalova.

Europaki Unia potenciringya vi o mahatnipe e financialune phikoipasko vash o RTK mashkaro nevo krisi, kova ka garantinel o biumlavdipe thay profesionalizmo e publikune trasmetusesko.