Kosovaki Prisidenta denga pe janipe kay jala ani Bari Britania, vash te lel kotor ano shtarto kedipe vash Politikuno Komuniteti Evropako.

Ani platforma X, akceptingya kay ka konfirmingyol palo angazhipe e Kosovako vash dromipe ano euroatlantikuno.

“Ano anav e Kosovaka Republikako, ka arakhape aver sherutneca kotar sa komiteti vash te diskutinen solucie vash urgentuno pucipya kola afektingyona siguripe thay barvalipe savore amare dizutnenca.”

“Amen vi ayeka ka reformina amaro angazhipe vash te zorakera thay te bayakre aleatia e Kosovake, thay amaro them so may pashe insituciye euroatlantikune”, hraminyga Osmani.

Osmano si te lel kotor mashkar 46 lideria aver evropake themenda, kotar instituciye BE-eske NATO-eske thay kotar mashkarthemutne organizciem, vash te resol urgentune ovipya vash siguripe thay laqipe dizutnege ani sah Evropa.

Oy ka lel kotor ano duy plenarune sesie e EPC-esko, sar ini ano truyalin mes e liderengi e tema "Garavipe demokraciako: maripe e manipulaciako e informaciako kotar avrune thema".

Ano rami e samitesko, Presidenta Osmani ka adikerol bilateralune kedipe aver liderenca evropake thay si te lel kotor ano ajukeripe e organizimo kotar Krali Charles lll thay sherunoministri Keir Starmer. Transmetinlea /Klankosova.