Radio Romano Avazo

Aktualune Nevipya

Pandar o dizutne mamuyingyona e coronavirusea

Romano Avazo

11/10/2021

Aktualno ani Kosova aktivne si 1 157 surya e COVID-19.

Ano agorutne informacie e Nacionalune Sastipaske Publikune Kosovake Institutesko informinde kay si 4 surya e meripa thay 12 neve surya pozitivune e virusea COVID-19.

Sastipaske institucie kharna e manushen vash o vaksinipe anticovid019. Kote e vaksinapeske proceseske shrdipastar ji avdive dendile 1.447.040 doze. Jikay 623.183 dizutne vaksinisale sol duye dozencar.

IKSHPK-esko Apeli

Kamle dizutne!

IKSHPK kerla apeli vash o sah dizutne, institucie, publikune thay privatune organizacie, vash o respektipe thay o leipe e masengo kola si mahatne vash o angloaqhavipe, menajipe thay kontrolipe e infeksiako COVID-19, leipa pe dikhipe e kriseske dispoziie vash o angloaqhavipe thay o maripe e pandemia COVID-19, thay o decizia kola si pe funksia thay o obligacia e institucienge vash o implementipe e masengo.

Rujinatumen!

Vaksiningyoveni!
Vaksinipe mamuy COVID-19 garavla jivdipe!
bi-vaksinipe manusha si amari may bari holi!
Vakinipe si may laqhi metoda, may lokhi thay may efektivno!
Vaksinipe azdla naturaluno garavipe amare truposko vash te kreirinel rezistencia karshi e specifikune infeksienge thay zorakerla imunitaruno sistemi!
Vaksinipe angloaqhavla o meripya thay o phare kompikacie, kola thovna e pacienten te pashlon ano hospitalya.
Vaksiningyoveni thay vaksinineni tumare pashe manushen!
Niyekh vaksina koya vastingyola ani Kosova na akharla day jivdo virusi kay infektinalutemen e COVID-19.
Kosova si yekhuni rashtra ano rayoni kay dela vaksine kola si aproime kotar e Medikamentyengi Evrupaki thay Amerikaki Agencia. Akala vaksine si Astra-Zenca thay Pfizer.
Te sine kay na vaksinigyoveni shay te bayron o neve surya, bayrola o gendo e hospitalzime pacientengo, meripengo, pharipe ano sastipasko sistemo, iranipe e kufizimyengo, nasvalipe ano mentaluno sasstipe, skola, ekonomia, kultura, arto thay sporti.