Adive e Kosovako parlamenti ajukergyola te realizinel o 43 to seanca vash konstituipe, may buderi se 6 qhona palo alosaripya e 9.to februareske.

Ji akana o procesi e alosaripasko vash o sheruno yase phiravno e Parlamentesko thay talosherunengo nashti reslilo vash o sebepi kay si bilekanipe mashkaro partie, e may specifikno vash e qhand e votuipaski vash te kreiringyol o garavde votuipaski komisia.

Presidenta Osmani, kergya kharipe vash sah politikuno godornipe thay angloinformingya kay palem ka direktingyol ki Konstituciaki Krisalelin te sine kay na konstituingyola mashkaro 30 dive pali decizia koya veq nakhavgya duy kurke.

Te sine kay palem ka ovel bilekanipe aqhola pandar e opcia te nakhelpe ano neve alosaripya kay ka keren may horyuni e politikuni thay institucionaluni kriza.