Romengo, ashkaliengo thay egiptasyengo Avazo adive pe 2.to Yuli 2025, pe ora 19:00 puterla e Ekspozita Testamenti ano Pekyengi Artyenge Galeria.

E kuratora akala ekspozitaki si e Eliza Hoxha jikay o Fotografie realizisale kotar o Arben Llapashtica.

O khuvipe si bizopokipe.

E ekspozita Testamenti si yekh publikipe e romane, ashkalyune thay egiptasyune personalitetyencar kotar sah e Kosova kote mashkaro fotografie thay biografie dokumentisalo o jivdipe thay e laqho akademikuni thay penjarde manushengi rig ko aver komunitetya vash te phagelpe o diskriminipe kay akala komunitetya nanele moldipe ano amalipe.

Thay e Romengo, Ashkaliengo thay Egiptasyengo Avazo kerla kharipe kay saren te oven gatiserne vash e Pekya – vash yekh unikuni ekspozita koya nakhela ekya.

Ano ilo e dizako, odote kote e historia thay o realiteti ovna yekh, puterlgyola e ekspozita “Testament” yekh identitaruno, rezizstenciako thay suksesko vizualuno mothavipe.

Aveni thay dikheni vi penjareni o historia kola aqhile ani tamin yekh lungo vahti. Sakova portreti, sakova mothavipe si yekh kharipe vash reflektipe, vash penjaripe thay vash te len kan o zoralipe kova garavgyola ano amaro khetanyuno diversiteti.

Akaya ekspozita nane saday arti, numay vi dokumentipe, kharipe, si yekh testament.