Marte dive, pe 29.aprili 2025, ano Kino Lumbardhi ano Prizreno prezentisali e premiera e dokumentareski “Horo ano Boro” kotar o rejisori Benjamin Menekshe, kova mothagya 55-bershuni historia e Kulturune – Artistikune Amalipaski “Durmish Aslano” thay e biaqhavdi sfida vash o nanipe e yekha salako – Kulturune Centrosko vash probe thay gatiseripe e kulturune aktivitetyengo vi kultivipe e romana kulturako.
Menekshe phengya kay akava si e kolektivuna memoriako akti, kay mashkaro mothavipya e ex thay akanutne direktoryengo thay reprezentyengo, dela dudi vash o problematike kay aqhile bidezicime dekadyencar. Ov potenciringya vi o mahatnipe thay valanipe e kreiripasko yekh Romane Kulturune Centroske ano Prizren, moldipa akava sar yekh mahatni kauza vash o gojaveripe thay garavipe e kulturune kustikipasko.
Dokumentari phikoisalo kotar e Kulturaki, Ternengi thay Sporteski Ministria thay sitov o trinto dokumentari e terne rejisoresko Benajmin Menekshe.
