Kosovaki Presidenta, Vjosa Osmani, ajukergya erati ano kedipe e Generalmayore Stephen Osborn, e Iowa-ko Nacionaluna Gardako Komandanti, kote diskutinde vash zoralipe e khetanubutikeripasko e FSK-esko thay e Iowa-sko. Oy potenciringya o mahatnipe e aleanca e Amerika ano garavipaski umal vash e Kosovake sovranitetesko zoralipe.

Ano kedipe lepardile o plangya vash o buhlipe e strategikune partneritetesko thay evidentisalo o suksesuno kotorleipe e FSK-esko thay e Iowa-ska Gardako ano mashkarselikano treningo “Defender Europe 2025”. Vi ayekha, naysikergya o shayipe vash o khetanyune treningya ano Louisanako Trengingesko Centro.

Presidenta Osmani moldingya uqhe o biaqhavdo phikoipe e Iowaka Gardako ano avancipe e FSK-eske operacionalune kapacitetyengo, moldipa o khetanobutikeripe sar yekh zoralo atestipe thay stabiluno mashkaro duy thana.