Kosovaki Republikaki presidenta, Vjosa Osmani ajukerela kay buderi rashtre te len deciziya te penjaren e Kosovako Biumlavdipe.

“Akava bersh staringyam buderi laqhe nevipyencar vash i Kosova, cidipe e vizengo e Europaka Uniatar jipe konfirmipe e rodlarinako vash kinibe e garavipske bandukyenge sistemyengo kotar e Amerika. Buderi kontantyendar e rashtrencar kola na penjarnamen, reslem suksesi te rikonfirmina pashe sa e rashtrndar kola sine pashe vash napenjaripe, kote lencar kreiringya neve aleance kote sigate ajukergyona te len deciziya vash te penjarenmen.”, phengya e presidenta Osmani.

Desar akalestar oy deklaringya kay e EU thay lakere liderya kolencar arakhlepe siton ano favori vash te ciden o mase.