Kosovaki Presidenta, Vjosa Osmani vizitingya e Gjakova thay Malisheva palo poplave e agorune divengo, kote solidarisali e dizutnencar thay moldingya o institucionaluno angashipe vash e situaciake menajipesko.
“Vash e baht o poplave aqhile thay pakya kay na ka oven may buderyune ziyanya, numay mangava te naysikerav e institucie kola biaqhile angashisale, kotar e komunako sheruno thay sah o lokalune institucie ji ko centralune institucie, rendoske organya thay sakole dizutne kova mothagya solidariteti ani qhand kay akaya situacia te nakhavgyol lokhipa.”, phengya e Osmani.
Prekal e vizita e presidenta amalisali vi kotar o sherune sar Adrian Gjini thay Ekrem Kastrati kola informindeola may detalno sah e situacia, ziyaynecar thay e familiencar kola qalavdile kotar o poplave.
