Presidenti e Europako Koncilesko, Antonio Costa, Pe14 may ka vizitel e Kosova, ano rami e balkanikune turneosko kay hraminla leski yekhto vizita ano rayoni palo leipe e poziciako sar sheruno e EU-ko. Yekhto dive si te aqhol ano Beogradi, napal ano duyto dive ani Prishtine, ini soske e serbiako presidenti sine ani Moska – vizita koya vazdingya ano Brukseli reakcie.
Europake ofiserya potencirinena o mahatnipe e kay sah e Ratorigune Balkaneske thanengno ani EU-eski agenda, leparipa o avansipya ano rayoni kola kerena impakti ko Europake Koncileske decizie.
Sepebi leska vizitako si vi kay ani Tirana ano agor e avutne kurkesko sit e adikergyol Europianyune Politikengo Yekhipasko samiti.
Akaya pan-europinyuni inciativa, kreirimi ano bersh 2022 e Francake presidenteske Emmanuel Macroneska inciativa ka kedingyon 40 liderya kotar sah o kontinenti vash te diskutinen e Europako avutnipe, siguripasko thay demokraciako garavipe .
