Prizrenoski komuna, respektivitetea o sheruno ano obligipe thay vijautno e duyto mandatesko vash o Prizren lugyarela e neve direktoryengo anavipe palo vijaipe e balotashesko thay pali phandi koalicia e LDK partia.
Ano nakhle dive informinde kay o Adem Morina anavisalo sar Direktori e Turizmosko thay Ekonomikune Avansipasko jikay o Sencar Karamuco kotar KDTP, Direktori e Kadastrako thay Geodeziako.
Samra Iljazi kotar e partia SDU – Socialdemoktraska Unija anavingyola sar Direktora vash o Ispektoratya ano Prizren.
Sead Arifi kotar e Koalicia Vakat sar Direktori e Emergenciako thay Siguripasko.
Jikay e partia kola siton ano may bari koalicia, e LDK-estar ji adive anavisale sar e Ajlin Shishko sar Direktora e Kulturaki, Ternengi thay Sporteski thay o Florent Ukaj sar Direktori e Urbanizmosko thay Thanesko Planifikipe, Suleyman Baxhakuu – Sastipasko Direktori, Nderim Kadriaj – Direktori vash Agrokultura thay Ruraluno Avansipe thay Fatmir Memaj sar Direktori e Bukyako thay Socialuno Shukaripe.
