Aktualune Nevipya
Publikuno Kharipe vash aplikipe vash o kashtengo vijaipe kotar o qorole familie
- 28/05/2025
- By Romano Avazo
Share
Komunako Ofisi vash Komunitetya thay Iranipe, ulavla subvencie thay transferya vash fizikune manusha vash ulavipe e kashtengo vash tatyaripe vash qorole familie kotar o minoritarune komunitetya po 3 metre vash e familia ani Prizrenoski Komuna. Prekal akava publikuno kharipe khargyona sah o interesime te aplikinen vash te benefitinen kotar e subvencia.
Mangle dokumentya vash aplikipe si sar may tele:
1. Jenesko hramimo mangipe;
2. Validuno identifikipasko dokumenti e Kosovaka Republikako; (kopia)
3. Familiaka Uniaki Certifikata, (Originali)
4. Certifikata kotar Butyaripasko Ofisi vash o mayphure desar 18 bersh; (original)
5. Kartela e invaliditeteskea pensiako ose pensia e limitime shaipyenca; (kopia)
6. Raport kotar o saslarno e diagnoza, vash o nasvalo ani familia. (Na may purano se shov masek – Kopia)
7. Verifikipe ose kontrata kotar butyako deyutno kay si pe buti.
8. Lil kova argumentinla kay si day/dat kova korkoro paravla e qhavoren.
Publikuno kharipe ka ovel phravdo kotar e data: 27.05.2025 ji pe 27.06.2025.
