Ambasadori e Germaniako ani Kosova, Jorn Rohde, ano yekh postipe kay kergya ano socialuni rafin “X” phengya kay o normalizimi mashkar Kosova thay Srbia vash reciprokuno penjaripe. Rohde akava postipe kergya pali deklaracia  e Ambasadoreski e Yekhune themenge e Amerikake – ano Beogradi Chris Hill, kova deklaringya kay na gndinla kay e Srbia  te penjarel e Kosova vash te khuvel ano Europako Yekhipe.

Saday vash te ana pe godi: Drabaren e deklerata e Germaniake kancelareske Scholz: “Pederal i vizita ani Kosova thay Srbia ano yuni e bershesko 2022 vash  o normalizipe e reciprorikuno penjaripe. O drom si odote pherdo implementipe e Brukesleska ledeipastar thay odoya ano Ohridi kotar o duy rafinya so may angle. Hramingya Rohde irati hramingya ano poro socialuni rafin X”

Ano akava postipe o Rohde ulavgya ini o nevipe e deklaracia e Germaniake Kancelara Olaf Scholz, pederal leskiri vizita ani Kosova ano yuni e bershesko 2022.

“Yekh politikuni ledeipe mashkar o duy thana sitov yekh mahatno sheya vash o investipe thay bukyake thana akala, ini vash e prespektiva e ternengi ani Kosova. Diklola kay o ledeipe ano agor manglape te arakhel drom vash laqharipe e Kosovako situaciake, soske sitov bizoimaginacia kay duy thana kola na penjarde yekhe javere te oven kotorleyutne ano EU, phengya sine o Scholz.