Aktualune Nevipya
Romani Kultura thay Tradicia
- 19/06/2024
- By Romano Avazo
![](https://radioromanoavazo.com/app/uploads/2024/06/795c7ed27e7944f004408271a486f477.jpg)
Romani tradicia sine may vasno vastushi vash garavipe e etnikune identitetesko. Transmetipe e tradiciengo thaykulturako kerdilo prekal muyalo mothavipe kustik palikustik. Savaht, o roma jivdinde ano tikne komunitetyakarakterizime yekh zorale solidariteteya mashkar o jene:o phure kola dikhlonay kotar e terni kustik. Romanikultura inkuraingya yekh socialuni distanca mashkarroma thy ana-roma, ayekha kharde gaje, thay sar sebepi na himisale e lokaluna populacia.
Uravipe khelela vasni rola ano garavipe e identitetesko. Tradicionalune, romani juvli adikerla yekh lungo fustani, formirimo kotar nesave kotor thay puterde kolorencar, luge ala,bare qenyathay ani baza e barvalipeski, bizhuteria kay khuvla but ani yakh thaykola siton kuq. Savaht,referindoy tradiciake, prandime juvla musay te adikeren yekh shereski shamia, kiyaver rig mursha silen tradicionaluno uravipe, numay buti ver uravna but koloryune sheya, sadik thaluge mustakya.
Vastipe e zorale koloryengo ano olenge uravipya konsideringyola sar anipe bahtako. Avdive, teuravetu ani tradicionaluni rig bayarela o riziko e dikhipesko yaverune thay buti ver diskriminingyona. Akava ovipe e diskriminipesko hasarela may buderi e romane juvlen feri so tradicionalune uravipya cidena but sama thay khuvena ani yakh desar o uravipya e murshenge.Malipesko modernizipe kergya kay o roma ano buderi thana te nashalen o interesipe vash olengo tradicionaluno uravipe.