Ani Fush Kosovaki Komuna, erati manifestisalo Romana Kulturako kurko, organizirimo kotar e BRO “Multiethnic Culture of Kosovo”, ano Komunako Sombeshipe.

Ano akava evenimenti, lela kotor vi o romengo deputeti Albert Kinoli thay o Sejnur Veshall kotar e partia PREBK kola arakhlepe e Fush Kosovake Sherunea, r. Burim Berisha, kote e rayo Kinoli ano nav e organizaciako ulagya Certifikacia e Komunake Sheruneske Berisha.

“Avdive lelum kotor ano kedipe e Romane Kulturako kurkesko ani Fush Kosova, organizirimo kotar e BRO “Multiethnic Culture of Kosovo” ano Komunako Sombeshipe. Pe vahti e eventesko prezentisalo resipe komunitetyengo Roma, Ashkalie thay Egiptasya vash perioda 2023–2025 thay dende pe janipe vash kontributi e olenga inkluzipasko thay phikodeipasko. Ano rami e vizitako, adikergyum kedipe Komunake sheruneya, r. Burim Berisha, kote propozimngyum amaro gatisaripe vash te kera ledeipe sa e komunenca vash te zoratikera beraberuno funksionipe thay inkluzipe e komunitetyengo ano institucionaluno thay socialuno jivdipe.”, sine o hramipe ulavdo ani x rafin e deputeteski Kinoli.