Samiti e Euripaka Uniako thay e Ratorigune Balkanesko adikerdilo pe 16 may 2025 ani Tirana, Albania, yekh mahatno momenti palo parlamentarune alosaripya e 11 mayeske, kote lele kotor 47 evropake thana. Samiti kova hramingya yekh mahatno bajako direct vash integripe ano EU-ko rayoni, fokusiripa ano ekonomikuno, siguripasko thay demokrativune reformengo khetanebutikeripe.
Kotorleutne ano akava baro samiti sine liderya e 6 Ratorigune Balkaneske rashtrengo, sar: Albania, Kosova, Vrtloriguni Makedonia, Kalo Vesh, Serbia thay Bosna thay Hercegovina, jikay o Uqhe EU-ke reprezentya, inkludipa e Europaka Koncileska Presidenta, Komisioneri vash Buhlaripe thay Phikoipaskosekretari e Amerikako vash e Europa thay Euroazia.
Ano samiti lele kotor: NATO-sko Sekretari, Mark Rutte, Ursula von der Leyen – Sheruni e Eupaka Komisiaki, Antonio Costa Sheruno e Evropake Koncilesko Uqhi Reprezenta e EU-aki, Kaja Kallas.
Mashkaro lolotepuko thay ano amalipe e gilago “Zjerm” kotar e Shkrodra Elektronike”, reprezenta e Albaniaki ani Eurovizia akava bersh, ajukergya e lideren sar: Spaniako sherunoministri, Pedro Sanchez, thay buder aver liderya sar Recep Tayip Erdogan Turkiako Presidenti, Emmanuel Macron – Francako Presidenti, Friedrich Merz – Germaniako Kancelari, Gioria Meloni – Italiaki sheruniministra,  Keir Starmer – sherunoministri e Britaniako, Poloniako Sherunoministri, Donald Tusk, Ukranako Volodomyr Zelensky, Finlandako Petteri Orpo, Armeniako Nikol Pashinyan, pe agor amara rashtrako barikanipe e presidenta Vjosa Osmani thay but aver liderya.
Mahatne teme kola diskutisale sine: Ratorigune Balkanesko Bayaripasko Plani kova sile kosto 6 miliarde euro vash o reforme thay ekonomikuno bayaripe ano rayoni. Stabiliteti thay marera mamuy o organizimo krimi, deipe agor e antiterrorizmeske umalesko, eksremizmoske thay organzime krimesko. Migracia thay demografiake sfide, Rayonaluno Integripe thay Ekonomikuno Khetanobutikeripe.
Mashkaro akava samiti sine vi zorale deklaracie, thay aprovisalo yekh khetani deklaracia kay sah o thana si te angashingyon ano sigyune mangle reforme vash integripe eno EU, te zorakeren o khetanobutikeripe ano umala sar stabiliteti, ekonomia thay krisesko respektipe.
“Evropa si gatiserni vash yekh sumanuki perioda, Albania si may zoralo partneri e EU-ko. Mahatnipe e rayonalune khetanebutikeripasko thay e Albaniako angashipe vash te pheren o kriterya e kotorleipe ano EU si amaro may zoralo obyektivi”, phenla o Edi Rama.
