Palo Konstituciaka Krisalinako respendipe, Kosovako sherunoministri ano Obligipe, r. Albin Kurti, akhargya sah e Kosovake politikune lideryen vash yekh kedipe ko savatone dive pe ora 16:00 vash te arakhen yekh lekanipe mashkar peste sar te iklon kotar akavva institucionaluno grci.

Ano kedipe lele kotor o liderya e partienge: LDK, PDK, AAK, NISMA, thay o minoritarune partie.

Mashkaro diskutipe o Kurti pashargya duy opcie vash kompormisi vash te nakhaven e politikuni blokada numay o sol duy opcie refuzisale kotar e opozicia.

Na reslilo niyekh konkretuno lekanipe, thay akaleske ini e 39.ti seanca koya adikerdili erat pe 29.to yuni ano Kosovako Parlamenti sinela yekhuno agor sar ji akanutne séance.