Ano Alosaripasko Kongresi e Evropyanyuna Federaciako vash o Jurnalistya (EFJ) pe 2.to thay 3.to yuni 2025, ano Budapesti, o Xhemajl Rexha, sheruno e Kosovake Jurnalistyenga Asociaciako, alosardilo vash o yekh ver sar kotorleutno e Direktivune Bordesko ano EFJ. Akava si yekh historikuno momenti vash o kosovaryune jurnalistyenge reprezentipasko ano evropako niveli.

O Direktivuno Bordi e EFJ-esko si may uqho ekzekutivuno organi e Federaciako, kova reprezentinla 300 mile jurnalistyen ani Europa. Ov dikhlarla e politikengo implementiripe, aprovinla o bujetya thay garavla e kotorleutnenge interestya ano strategikuno niveli.

E r. Rexhasko alosaripe hraminla thay potencirinla e AGK-eski buti ano garavipe e jurnalistyenge hakayengo thay zoralipe e hramipaske mestipasko ani Kosova, putarinindo neve droma vash khetanebutikeripe ano europako thay rayonesko niveli.