E Kosovaki Alosaripyengi Centraluni Komisia angle duy dive pe 13 septembro ofisialno putergya yase informingya kay e alosaripyengi kampanya puterdili thay stardingya thay ka lugraygyol ji pe ora 6:59 e 12 oktombreske 2025, ano votuipasko dive.
Yekh e kritikendar si kay e Vetvendosya startingya yekh dive angle o elektoraluno aktiviteti.
Ani lokalune alosaripya lena kotor 93 politikune subyektya (partie, inciative e dizutnenge, biumlavde kandidatya thay koalicie.)
Si pashe 5,626 kandidadya, 206 lendar vash komunengo sheruno thay odola aver vash lokalune asambleistya.
O alosaripya ka adikergyon ano 38 Kosovake komune.
E votantyengo gendo si 2,069,098 thay 43, 993 lendar siton avri rashtratar.
O votantya avri rashtratar silen ji palo duy dive hako te votuinen.
Thay alosardile 938 votuipaske centarya e 2,625 votuoaske thanencar.
