Yek konsiderimo gendo e sikavnengo kola siton pensionime but ver prekal “Kosova Sot” kerde publikuni rovlarin,kay pe trin bershuno  lugipe  ani Prizrenoski Komuna,pana na lele pokipya thay yubilaruno naysipe,ayeka sar  diklola ani kolektivuni Kontrata vash anglouniversuno kosovako edukipe.

Islam Thaçi,   ex-sikavno thay yaver pensionistya kerde rovlarin ini prekal prokuroriya,numay  na si nisavo signali.  Sar diklola,palo buderi  rovlarinya thay but sig  pe agor Themelipasko Krisi ano Prizren akana lela mangli masa.

Phando akalea vash “Kosova Sot” mothavla uqo sevalutno ano DKA- ano prizren Reshit Kushay,kay pe 2015-to bersh isiton pedero 60 sikavne pensionistya kola na lele yubilaruno pokipe.”Ayeka ,pe 10 oktobro 2018-to bersh isitoy krisyuni séance vash akala sikavne mothavla Kushay.”

Ovela po buderi se duy bersha,numay personalune lila jana yek ofisesta  ano yaver ofisi ayeka kay pana na lelum yubilaruno pokipe”rovlape Islam Thaqi