Yekh pharo familiaruno krimi erati ulo ano Prizreno, ano teharinake orya, kote yekh mursh
Kotar e Turkia tasavgya aludingyola kay tasavgya pa 15 bershuna qhaya yekha qhurika, jikay e 10 bershuna aver qhaya lindingyaola vi ayekha para romnya.
Akava tragikuno suro ulo ano yekh apartamenti ano drom “Shote Galica”, kote fi e familia jivdinelay 6 qhona ani kiraya.
E Siklipaski Direktora ano Prizren, Luljeta Veselaj-Gutaj, reaguingya, akharipa yekh makabrikuno krimi thay mangla may qhelalo brandipe vash o autori. Vi ayekha, e Hakayipaski Ministra, Albulena Haxhiu, akhargya o sur osar “yekh dararno akti e familiaryuna violencako”, kharipa vash yekh maksimaluno brandipe thay phikoipe e viktimyen.
Temeluni Prokuroria ano Prizren konfirmingya kay o bipakyavno si vi korkoro lindimo, numay avri rizikostar vash o jivdipe thay arakhlola ano policiako diklaripe.
E 10 bershuni qhay thay lakiri day ningardile vash medicionaluno tretmani ano QKUK thay siton talo dikhat.
Sheruno prokuro Petrit Kryeziu thay e Policiako Direktori, Faton Alija, deklarinde kay e krimeske motivya pandar siton bijande thay kay o bipakyavno na sinele nisavo problem e krisea may angleder.
O rodlaripya vash o suro phiravgyona kotar e Departamenti vash o Phare Krimya, ano khetanobutikeripe e Policia thay e Krisyuna Saslaripaske Institutea.
