Mudargyola yekh 8 bershuni qhay ani Turkiya kontretno ano Diyarbakir
Narin Guran sine nashaldi 19 dive thay iratli araklilo lakoro bi duhosko trupo pashe leynake.
Pe data 21.08.2024 Narin Guran jaglardili sar nashaldi kotar familake jene. Polcia shrdinya o rodipya kote o rodopya sine pashe 19 dive ano akala 19 dive ikliste nesave informaci kay chivgya pe shoki e sa lumya, ano nesave informipya kotar o dizutne thay o medie phengyola kay e tikni chajori sitoy mudardi kotar lakoro Kako.
Ano dujto dive e surosko ini o phral lelilo kotar e Policiya vash o sebepi kay sine nesave undrime sheye sar nesave danda ano leskoro phiko tah aver sheye, numay o DNA testi na iklisto yekhno kay mangla te phenel odola danda ano leskoro phiko na sine olake, numay ov pandar achola sar undrim ojeno e surosko.
Ano dujto rig o Kako kova si sar sherutno e gaveske kote on jivdinena ane pere respodinpya phengya kay e tikini chay kana irandili kotaro o kursi geli lengere khereste vash te puqel vash e chavorenge numay ov phengya kay palem inargyape pere kherste. Ano 5 dive e suroske ani kakoski vrda araklile nesave sheye sar ( Chadipya, urinipya ) kola situne yekune e tikna qhake DNA,
Yekh buti kerutno ano than kote phergyola benzini phengya kay : O personi kova si undrimo ano akava suro o Kako alo akate thay diklum ani leskiri vrda sine yekh sheya koya sine pakyardi qeba sim sigurno kay sine e NARIN, napal ov lela saday 2 paketya sapande palome thay gelo sigipa.
Napal o kako palem arestisalo kotar e policia akya ver sar undrimo manush vash o mudaripe, numay ov na dengya ni yekh dekleracia yekhatar mangla pere avukatyen.
Palo sa akala ovipya, palo 19 divuno rodlaripe e tikna chakoro bi duhosko trupo araklilo ano yekh ravalo pashe leynake, ano informipya kotar e Policia phengyola kay o posavdili shudra arma kay mangla te phenel qhurika thay chivdili ano ravalo, numay o ravalo chivdilo ano pashe dive ani odoya lokacia soske on may angle dikle 4 ver odova than na sine niso informinla e Policia.
Kotar yekh yaver resursi informisalam kay kana pharvde o ravalo vash dedektipe e tikna chako diklilo kay lakere vaste sine pandar o kurani mangla te phenel kay oy tasavdili yekhatar kobar iklisti kuraneske kursesta.
Oy adive ka jal sine ani skola na ano meripe.
STOP CHAVORENGE MUDARUPYA.
