Amen ulava yekh kontinenti, sine lakoro hramipe ano ulavipe e fotografiako, kote ani Tirana halili yekh na formaluno rakyako habe mashko EU-ke liderya thay Ratorigune Balkaneske liderya, yekh rat angle bi shrdimo e Europianyune Politikune Komunitetesko Samiti.
“Si o yekhto samiti kova organizingyola ano Ratoriguno Balkani. Savo zoralo simboli. Amari europianyuni famila buhlargyola desar amare Europaka Uniake samatredatar. Amen ulava yekh kontinenti. Thay yekhuno avutnipe.”, hramingya e Presidenta e Europaka Komisiaki.
Ano foto dikhyola e presidenta Vjosa Osmani, lakoro homologi kotar o Kalo Vesh, Jakov Milatoviq, napal e Kaja Kallass, Uqhi Reprezenta e EU-ki, sherunoministri ano obligipe Edi Rama thay presidenti Bajram Bega, sheruno e Europake Koncilesko, Antonio Costa, Poloniako sherunoministri, Donald Tusk, Serbiako presidentii, Aleksander Vuciq, kotorleutni e boshnyakuna presidenciki, Zhelka Cvijanoviq thay sheruno e Vrtloriguna Makedoniako, Hrsitjan Mickoski.
Ani esenca, Evropako Politikuno Komuniteti si yekh “politikuni purt” vash te zorakeler e Europa, mamuy o globalune sfide sar o mareva, energia, migripe thay dezinformipe.
