Amaro kamlo jeno Dragoljub Ackovic pe 73 bershende, pe data 27 yuni 2025, paraskini dive yaverinla pi dunyaya thay leskoro parunipe si te ovel shoyuno dive pe 3.to yuli 2025 pe ora 12:00 ano limorya Lesce thay e religiuni ceremonia vash godipelaripe shrdla pe ora 11:30.

Ov mekhla pala peste para romna e Vesna, pe qhavend Aleksandar thay Milos pere familiesncar, para pheyna e Slavka para familia thay sah e romen kolenge kergya buti.

O Dragoljub Ackovic sine yekh penjardo personaliteti ano arteski thay kulturaki umal, bare thay mahatne kontributea ani literature thay ano kulturake studie. Sine hramarno, rodlarno thay riqhibarno, fokusirimo ano teme kola phangyona e kulturune identitetea, tradiciencar thay kustikipa.

Ov dengya angashovayne vi vash o mashkarkulturuno thay mashkarselikano dialogi, yekhe dromea sine kotor e buderi mashkarselikane konferanciengo kote prezentirimoj pere bukya.

Sinele mahatnipe vi vash o amaro amalipe o Durmish Aslano, kote sa shrdeya e Nusret Seharsoyestar, Shaip Menekshestar…sinele amalipe ji pe agoruno direktori vash phikoipe thay khetanebutikeripe e romencar taro Prizren.