O maturanti e klasako XII-1 thay sheruno e Literaturake Klubesko e Gimnaziako “Remzi Ademaj” ano Prizren, yaverinla po jivdipe feriso palomesmer e savatone divesko, pe 31.to mayi 2025, pe ora 18:15, ano Prizrenoska Komunako gav, Grazhdaniko, yekh 17 bershuno qhavo kova padela sine yekh elektrikuno motori, manginindo te phanelpe ano sheruno drom, khuvdilo yekha vrda VW Golf koya avela sine kotar e mamuy rig.

Ano skolako ofisialuno hramipe, hraminla kay pezulisale sah o kulturune thay artistikune aktivitetya ano leske respekteske suroske.

O maturanti, Geltiani ka adikergyol pe godi sar yekh avrirenduno laqho siklovno, kova sinele baro pasioni vash e literature thay o arti, penjardo pere kreativitetea thay fokusiripa, kamlo thay respektimo kotar savore. Leskoro meripe moldisalo sar yekh Baro Nashalipe vash i familia, skola, amala thay sah e diz.

Palo fataluno aksidenti, o Geltiani sinele phare lindipya ano trupo, kolendar nashti iklisto jivdo jikay vi aver duy personya si pandar lindime.

Rahmeti leske duhoske!

Thay kera apele sah e dadalaryenge kay ma te mekhen pe qhavore meste but motoryencar, janindo kay on si terne thay najanena e komunikaciake regulative thay o motoresko direktipe si but rizikimo. Desar akalestar vi sah o terne nekh ovelolen so may baro dikhat feriso yekhe aksidentestar shay nashalea to jivdipe!