Ani rati e 29.to novembreski ano gav Varag e Zupin Potokeska Komunako ulo yekh phayaripe kova rumingye paynesko kanali ano Ibri e Lepencesko, vash I baht ano akava phayaripe na sine viktime.

Numay kotar o ziyanya ano kanali e Mitrovicake dizune na sinelen pani vash 24 orya.Palo ri laqharipe o pani irandilo.
Kosovako Sherunoministri Albin kurti erati ani konferenca deklaringya kay o planifikimo atako sine yekh seriozuno dararipe te realizingyola sine ka ovel may bare ziyanya vash paynesko thay energiako furnizipe kola qalavnay shell milencar dizutne, akala ziyanya shay ovna sine ji 2.5 milionya ero ano dive vash importi e energiako thay 100 mile euro vash pani saday ano yekh dive.