KOMUNIKATA VASH O PUBLIKIPE
Skema “Young Cell” Raundi XV:
Bursengo shayipe: 40 pherde burse vash e Mastereske programyengo ano Europaka Uniake Universitetya.
Ofisi e Euroaka Uniako ani Kosova thay Kosovako Raipe informimena vash puteripe e XIV-to Raundesko e aplikipyengo vash e Terne Profesionistyengi Skema (YCS), program vash o palouniversitarune Europaka Uniake burse vash e Kosovake dizutne, kova implementiringyola kotar o Konsorciumi e Universitetesko Aristoteli, ano Selakniko e Grqkako thay e Publikune Serviseske Nacionalune Institutesko, ani Franca. Aplikipe si puterdo ji luine dive pe 9.to decembro 2024 ji pe ora 17:00.
Suskesune aplikantya ka ovelolen shayipe te phiraven e Master niveleske programya ano EU-ske rashtrenge universitetya. Bursengo program, kova phiravgyola ani anglikani qhib, ka sigurinel 40 pherde burse. Akava kharipe sitov putardo vash e buhli publika, vi ayekha vash o civilune butyarne kola diplomirinde ano kranga: Europaki Integracia thay Politikengo Planifikipe, Yuridika, Ambienti thay Energia, Ekonomia thay aver yekhune akademikune umala.
Reprezentya e minoritarune komunitetyenge thay o juvla inkurayingyona vash te aplikinen. Aplikipaske formularya, Procedurake Regulative thay pherdo seti e dokumentaciako ka biqhalgyon mashkaro email savore e interesime aplikantyenge palo registripe ani intereneski qham koya arakhlola may tele:
https://ycskosovo.org ji luine dive, 9.to decembro 2024 pe ora 17:00.
Linki vash registripe sitov sitov ani tumari dispozicia online ani programeski ofisialuni qham https://ycskosovo.org
Vash may buderi informacie, shay te hraminen ini ano info@ycskosovo.org
Young Cell Scheme Rounds XIII-XIV-XV si yekh bursengo program kova co-financiringyola kotar e Europaki Uniat hay Kosovako Raipe thay implementiringyola kotar o Koncorciumi e Aristotel Universitetesko ano Selakinko thay Publikune Serviseske Nacionalune Institutesko, ani Franca.
