Amerikako Presidenti Donald Trump dengya pe hrami yekh ekzekutivuno kerdar vash shrdipe o procesi e Amerikake cidipasko kotar e Lumyaki Organizacia vash Sastipe, palo yekh tikni perioda respodingya e Organizacia vash Sastipe e Trump-ske mangipaske.

Ano respondipe Lumyaki Organizacia vash Sastipe potencirinde kay “khelgya yekh decisivno roli” ano garavipe e sastipasko thay siguripasko e lumyake manushenge, thay amerikanyenge ano vahti e pandemiako COVID-19, thay pakya kay si te diklargyol pana yekh ver e decisia, transmetinla Telegrafi.