Kosovake Romengi Yekhipaski Partia sitoy ani gara vash yekh asambleisti e duy romane kandidatyencar sar o r. Blerim Avdo thay e Hyrishah Kryeziu talo gendo 156.
Ano nakhlo kurko on intensivno adikerde kampanyne vash te mangen vote vash pere asambleistyenge, respketivitetea vash o phiravutno e listako Blerim Avdo kova sine vi ano RTK-eski debata.
Yekhto kampanyako kedipe adikerdilo ani Terzimahala (Nysret Seharsoj) pe data 25 septembro, kote sar baza e romengi dikhlardili may adekuatuni mahala vash te puteren e kampanya. O kotorleutno e romengo sine pashe 50 roma.
Pali Terzmihalla e destinacia sine ani Dushanova pe 26.to septembro, pe 27.to ano Tranziti thay pe 28.to ani Qykmahalla.
Ani kampanya realizisale diskucia vash socio-ekonomikune thay infrastrukturune mangipya. Mothavdilo o mahatnipe kay o Prizreno te ovelole poro romano avazo ani Asamblea vash te evolvirinelpe, te reprezentingyova ini akaya institucia.
O r. Blerim Avdo – kova kandinela vash e Prizrenoske Lokalune Alosaripya, andar lesko plan program si akala virana: Laqharipe e jivdipaske bazikune kondiciengo, may shukarno aksesi ano siklipe thay butikeripe, may pashune thay shukarune sastipaske servisya, socialuno phikoipe thay avansipe ano sahastarno shukaripe, thy.
Ano sah akala mahale o partiake reprezentya sar o deputeti thay sheruno Albert Kinoli, talosheruno Muhamed Ali Merxha, thay aver reprezentya sar Sejnur Veshall thy. si kotor e Kampanyengo kote on mangena vota pere elektoratestar vash o Blerim Avdo.
